عرفته صدفه من علي موقع امازون .. اشتريته بضعف الثمن علشان الشحن كان غالي
كنت مشتريه علي اساس انه هسيحه بميه وهتبقي الرسم اروع وحقيقي بقي وحبة حاجات كتير كده .. ملهاش لازمه
بس لما اشتريته بجربه لقيت خطه خشن وتخين ودرجاته حلوه .
Hb..2b..4b..6b..8b..
خطه الخشن استغليته فاني اظهر بيه مسام البشره .. خطه الخشن خلاني احس بمتعة القلم الرصاص ..
خطه الخشن كان بيظهر جمال الرسم ..
خطه الخشن خلاني مسيحش تاني الرصاص............
كنت بشوف الرسامين كتير بيستخدموا فرشه ناعمه مع الرصاص .. مكنتش اعرف ليه لما جربت امشي الفرشه علي الرسمه علشان انضفها لقيت الرصاص بقي انعم شويه وتاثيره لسه موجود ..
حبيت الفكره جدا .. وقلت تمام هستخدم نوعين من الفرش ..
نوع ناعم وده لما اكون عايز اسيح خالص وده يبقي مع بشرة الاطفال مثلا ...
ونوع خشن لما اكون عايز الرصاص يثبت علي الورقه..
الاستيكه انا بستخدم بس الاستيكه الفحم من مسح او تخفيف او تنظيف ..
...
التظليل ......
بظلل الرسمه كلها باسلوب طبقات .. اول طبقه بال hb ..الرسمه كلها فعليا
تاني طبقه لو محتاج ب 2b .. وبعدهاالمناطق الغامقه والسوده بقلم 6b او 8b .
التظليل بشكل دائري مفيش خطوط صريحه
... القلم دايما مش لازم يكون مبري كويس .. لا لا انا محتاج السن بتاعه ناعم مش مدبب
.....
السعر ..
الاقلام الرصاص الفيبر كاستل المائيه العلبه ٥ اقلام ب ٦٠ جنيه مصري
الاستيكه الفحم ب ٣ جنيه
الفرشه الناعمه انا معايا مقاس ٣/٤ ب ٢٠ ج
الفرشه الخشنه مقاس ٨ ب ٩ ج
الحاجات دي في سميرر وعلي
اهم حاجه بطتي 🙈
من غيرها مش بعرف ارسم
لو في اي سؤال في الكمنتات بقي ..
وهنزل بكره ادوات الرصاص كلها باستخداماتها